Кыргызстандын бокс боюнча улуттук курама командасынын (U-22) мүчөлөрү Алмаз Орозбеков (67 кг), жана Даниэль Абдрахманов (75 кг) Астана шаарында өтүп жаткан Азия чемпионатынын жарым финалына чыкты.
30 апрель күнү 1/4 финалдык беттештер өтүп, анда кыргызстандык 4 спортчу рингге чыккан. Алмаз Орозбеков чейрек финалда монголиялык Жандос Асхарды 5:0 эсебинде жеңсе, Даниэль Абдрахманов дагы 5:0 эсебинде түркмөнстандык Бегенч Акмырадов аттуу мушкерди жеңген.
Тилекке каршы, 86 кг чейинки салмакта Бекбол Мурасбеков жана +92 кг салмакта Саид Анарбеков жеңилүү ызаасын тартып калышты.