Баткен облусунун Лейлек районунун Ак-Суу айыл өкмөтүндө Ак-Суу каналынын курулушу уланууда. 2500 метр узундуктагы аталган каналдын курулушу бүткөрүлсө, Жеңиш, Ак-Суу айылдары жана эгин аянттары сел коркунучунан корголот. Бул тууралуу Өзгөчө кырдаалдар министрлигинин басма сөз кызматы билдирди.
Маалыматта айтылгандай, аталган каналдын курулушу бүтсө кошумча 95 гектар жер аянты өздөштүрүлмөкчү.
Ак-Суу каналынын курулушунун жүрүшү менен Өзгөчө кырдаалдар министри Бообек Ажикеев дагы жеринен таанышты. Учурда бул долбоордун курулуш иштеринин алгачкы этабы башталып, техникалар иштеп жатат.