1-майдан тартып Бишкектеги фонтандар иштеп баштайт.
Мэриянын маалыматына караганда, учурда фонтан сезонун ачууга даярдыктар көрүлүүдө.
Жалпысынан муниципалдык ишкананын балансында 17 фонтан комплекси бар.
«Фонтан комплекстерин оңдоо иштери кыш бою жүргүзүлдү. Бүгүнкү күндө суу өлчөөчү приборлор орнотулуп, «Тазалык» ишканасынын кызматкерлери жууп-тазалоо иштерин жүргүзүүдө», – деп кошумчалашты муниципалитеттен.