Бүгүн, 22-апрелде Кыргызстандын футзал боюнча курама командасы Түштүк Кореянын командасы менен ойнойт. Азия кубогунун тайпалык этабынын финалдык оюну Таиланддын борбору Бангкокто өтөт.
Оюн Бишкек убактысы боюнча саат 17:00дө башталат.
Эки турдун жыйынтыгы боюнча Кыргызстандын курама командасында 4 упай бар. Буга чейин 3:2 эсебинде Жапониянын курамасын жеңген жана Тажикстан менен 2:2 эсебинде тең чыккан.
Кореянын курама командасы эки жолку жеңилүүдөн кийин упай топтой алган эмес.
Кыргызстандын футзал боюнча курама командасы бүгүнкү оюнда жеңишке ээ болсо, чейрек финалга чыгат.