Грек-рим күрөшү боюнча Кыргызстандык балбан Акжол Махмудов Бишкекте өтүп жаткан Азия чемпионатында күмүш медалга татыды.
Ата мекендик спортчу 77 кг чейинки салмак ченинде 1\4 финалдан баштап, алгачкы беттешин 2023-жылдын Азия чемпиону, белгилүү казакстандык Ибрагим Магомадов аттуу балбан менен өткөрүп жеңишке жетти.
Жарым финалда Иран өлкөсүнөн келген Амир Али Абдини эки жолу 5 упайлык ыкмага салып берилген мөөнөттөн мурда утуп алды.
Ал эми финалдык беттеште япониялык Нао Кусака аттуу балбан менен кез келип, жыйынтыгында 2:4 эсебинде жеңилди.