Шаршемби, 10-апрелде өлкөдө Орозо айт белгиленет, бул күн эс алуу күнү болот. Бул тууралуу Эмгек, социалдык камсыздоо жана миграция министрлиги билдирди.
Ислам календары күн календары менен дал келбегендиктен Орозо айттын датасы жыл сайын алмашып турат. 29 же 30 күндүк орозодон кийин үй-бүлөлөр атайын майрамдык дасторконго чогулуп, муктаж болгондорго жардам көрсөтүп, ар кандай күнөө, кемчиликтерди кечирип, дуба кылат.
Айт намазы Бишкектеги Эски аянтта жана аймактарда дагы окулат.