75 миңден ашуун жакыр үй-бүлө электр энергиясын жеңилдетилген тариф менен колдонушат. Бул тууралуу Эмгек, социалдык камсыздоо жана миграция министрлигинин басма сөз кызматы билдирди.
2021-жылдын декабрь айында Президент Садыр Жапаров жарыялаган жарлыктын негизинде 2022-жылдан тарта «үй-бүлөгө көмөк» жөлөкпулун алгандарды колдоо максатында электр энергиясын айына 700 кВт саатка чейин короткон учурда 50 тыйындан төлөө каралган.
Мындай жеңилдетилген тарифти учурда 75 миң 189 үй-бүлө колдонуп келет, ал «үй-бүлөгө көмөк» жөлөкпулун алуучулардын 91,2% түзөт.
Ошол эле учурда жеңилдик берилбеген жакыр үй-бүлөлөр да бар экени, алар батирде жашагандар, жеке эсептөөчү жабдуусу жоктор, дачада, кашарда, өндүрүштүк жайларда жашагандар, үйүнүн документи жоктор, энергокомпаниялар менен келишим түзбөгөндөр экени айтылды.