Бишкекте кёрлинг боюнча Кыргызстандын алгачкы чемпионаты өтөт. Бул тууралуу аталган федерациядан кабарлашты.
Мелдеш 30-мартта борбордогу «Локомотив» муз комплексинде болот. Ал аралаш жуптар арасында уюштурула турганы айтылды.
Чемпионатка Кыргызстандын аймактарынан тандоо турунан өткөн мыкты спортчулар катышып, жыйынтыгында 5 команда ат салышат.
Иш-чара кёрлинг спортуна коомчулуктун көңүлүн бурдурууну, аны өнүктүрүүнү жана жаштар арасында жайылтууну көздөй турганы белгиленди.