Тажикстандын борбору Дүйшөмбү шаарынын мэриясы Нооруз майрамын белгилөөнү 24-мартка жылдырды.
Маалыматка ылайык, Дүйшөмбү шаарынын мэриясы Нооруз майрамын белгилөөнүн туруксуз аба ырайынан улам 21-марттан 24-мартка жылдырды. Тактап айтканда, 21-22-март күндөрү Тажикстанда туруксуз аба ырайы болуп, жаан-чачын болушу күтүлүүдө.
23-мартта шаардын парктарында ар түрдүү маданий иш-чаралар өтөт. Ал эми 24-март түштөн кийин Эгемендик аянтында «Нооруз карнавалы» аталышындагы театралдаштырылган концерт болот.
Дүйшөмбү мэриясы Нооруз мусулмандардын Ыйык Рамазан айына туш келгендиктен бардык иш-чаралар негизинен түштөн кийинки убакытка коюлганын да кошумчалаган.