Жалал-Абад облусунда көмүскө экономиканын көлөмү 30%ды түзөт. Бул тууралуу Улуттук коопсуздук мамлекеттик комитети билдирди.
Жалал-Абад облусунда көмүскө ишкерлик кылгандарды аныктоо боюнча мониторинг жүргүзүлгөн. Натыйжада Мамлекеттик салык кызматынын расмий маалыматтары менен УКМК кызматкерлери аныктаган ишкерлердин санында бир топ айырма чыккан.
Алсак, Мамлекеттик салык кызматына Жалал-Абаддан 7 миң 77 ишкердик жай катталган. Бирок мониторингдин аркасында алардын саны 10 миң 132 экени аныкталган. Тактап айтканда, 3 миң 55 ишкер жумушун көмүскө жүргүзүп келген.
УКМКнын демилгеси менен мыйзамсыз иштеп жаткан ишкерлерди көмүскө экономикадан чыгаруу үчүн мекемелер аралык комиссия түзүлгөн.