Түркиянын президенти Режеп Тайип Эрдоган март айындагы муниципалдык шайлоо анын президенттик мөөнөтүндө акыркысы болорун айтты. Бул тууралуу Борбор Азия медиасы Deutsche Welleге шилтеме берип жазды.
Эрдоган: “Биз деми жок чуркап жатабыз, анткени мен үчүн бул финал. Мага мыйзам тарабынан берилген ыйгарым укуктарды эске алганда, бул шайлоо менин акыркы шайлоом», — деди Түркия жаштар фондунун жыйынында.
Ал өзүнүн консервативдүү “Адилеттүүлүк жана өнүгүү” партиясы кызматтан кеткенден кийин бийликте кала берет деп ишенерин айтты.
Эрдоган 2003-жылы премьер-министр, андан кийин 2014-жылы президент болуп шайланган. 2017-жылы конституциялык өзгөртүүлөр премьер-министрлик кызматты жоюп, Эрдоганга толук аткаруу бийлигин берген.
Акырыкы президенттик шайлоо Түркияда 2023-жылы 14-майда өткөн. Соңунда Режеп Тайип Эрдоган 3-чү ирет президент болуп шайланган.