Энергетика министрилиги кытайлык «NBTC Limited» компаниясы менен кызматташат. Бул тууралуу Энергетика министрлигинин басма сөз кызматы билдирди.
Маалыматта айтылгандай, Энергетика министри Таалайбек Ибраев кытайлык «NBTC Limited» компаниясынын башкы директору менен 21-февралда жолугушту.
Эки тараптуу жолугушууда Энергетика министрлиги менен «ВИВ»кытай компаниясынын ортосунда шамал жана күн электр станцияларын куруу боюнча өз ара түшүнүшүү жана кызматташуу жөнүндө Меморандумга кол коюлду.
Меморандумдун негизги максаты эки тараптуу кызматташтык мамилени тереңдетүү, ошондой эле Кыргызстандын Нарын облусунун Жумгал жана Кочкор райондорунун Кызарт жана Семиз-Бел участокторунда шамал жана күн электр станцияларын куруу болуп саналат.