Милиция кызматкери ири өлчөмдөгү «гашиш» баңгизаты менен кармалды. Бул тууралуу Ички иштер министрлиги билдирди.
ИИМдин маалыматында милиция кызматкерлеринин арасынан кызматтык кызыкчылыктарын саткандарды, паракорлорду, мыйзамды бузгандарды, коомчулуктун алдында милиция кызматкерлеринин кадыр-баркына көө жапкандарды тазалоо жүрүп жатканы айтылат.
Маалым болгондой, 11-февралда ИИМдин ички иликтөө кызматы тергөө кызматы менен биргеликте шек жараткан төрт адамды кармап, тинтүү жүргүзгөн. Алардын жанынан ири өлчөмдөгү «гашиш» баңгизаты табылган.
Кармалган төрт адамдын биринин Кайгуул-күзөт полкунун милиционери, сержант экенин тастыктаган күбөлүгү болгон.
Соттун чечими менен А уулу Т. жана Ж.Ы. №21 тергөө абагына камакка алынган.
