Жогорку Кеңештин депутаты Шаирбек Ташиев «Кыргыз Республикасынын судьяларынын статусу жөнүндө» мыйзамына өзгөртүүлөрдү киргизүүнү демилгелеген мыйзам долбоорун коомдук талкууга чыгарды.
Мыйзам долбоордо Конституциялык соттун, Жогорку Соттун, жергиликтүү соттордун судьялыгына талапкерлерден мамлекеттик тилди В1 деңгээлинен кем эмес билгенин тастыктаган нотариус күбөлөндүргөн сертификаттын көчүрмөсүн, талапкердин өзүнүн жана жакындарынын соттулугу жоктугун же соттолсо, белгиленген тартипте тындырылганын тастыктаган маалымкат талап кылуу сунушталган.
Ошондой эле мыйзамдык тартипте уюшкан кылмыштуу топтордун мүчөсү катары таанылган же оор же өтө оор кылмышы үчүн сот жообуна тартылган тууганы бар талапкерлерди судьялыкка өткөрбөө демилгеленген.