Ош шаарындагы автомектептер текшерилип, жалпы 106 миң 500 сомдук айып салынды. Бул тууралуу Жол кыймылынын коопсуздугун камсыздоо башкы башкармалыгы билдирди.
Текшерүүнү Ош милициясынын кайгуул кызматы 22-январдан 28-январга чейин жүргүзүп, анда унаалардын техникалык абалы каралган.
Жыйынтыгында төмөнкүдөй протоколдор түзүлгөн:
- лицензия алуудагы талаптарды бузганы үчүн – 5 протокол;
- камсыздандыруу эрежесин бузганы үчүн – 1 протокол;
- уруксат берилбеген кошумча жабдууларды орноткону үчүн – 1 протокол;
- айдоо учурунда окуу эрежесин бузганы үчүн – 1 протокол.
Жол кыймылынын коопсуздугун камсыздоо башкы башкармалыгы маалыматында мындай текшерүүлөр мындан ары да уланарын эскеркен.