Бишкектин четинде кулаган тик учактын көз жумган учкучу Жайыл Самудиновдун сөөгү бүгүн, 19-январда жерге берилди.
Маркум менен коштошуу зыйнаты Бишкектеги Ак-Өргө конушунда өттү. Ага Коргоо министрлигинин өкүлдөрү, кесиптештери, жакындары катышты.
Жайыл Самудинов 1994-жылы Талас облусунда туулган. Орусиянын Сызран шаарындагы жогорку аскердик авиациялык академияны аяктаган. Өмүрүнүн соңку учурларында Коргоо министрлигинин Башкы штабында иштеп жаткан.
Ал үй-бүлөдө 3 бир туугандын улуусу болгон. Быйыл үйлөнүүнү пландап жүргөнүн туугандары эскеришти.
Айта кетсек, 17-январда Бишкектин четиндеги «Фрунзе-1» авиабазасында МИ-8 аскердик тик учагы кулап, кырсыктан Жайыл Самудинов каза таап, калган 10 учкуч катуу жарадар болгон.