Бишкек-Ош унаа жолуна кар көчкү түшүп, “Сосновка” постунан унаалардын бардык түрүнө убактылуу чектөө киргизилди.
Көчкү болжол менен 15-январда түшкү саат 13:50 чамасында Бишкек-Ош унаа жолунун 127,5-чакырымына түшкөн. Кар көчкүнүн көлөмү болжол менен 4000 м3 түзөт.
Азыркы тапта Транспорт жана коммуникация министрлигине караштуу №9 Жол тейлөө ишканасынын кызматкерлери жолду кардан тазалап жатышат.