1-январдан 7-январга чейинки аралыкта 16 миң 195 жол эрежесин бузуу катталган. Бул тууралуу Жол коопсуздугун көзөмөлдөө башкармалыгы билдирди.
Эреже бузгандардын ичинен:
196 айдоочу унаасын тийиштүү документтери жок айдап жүргөн;
208 айдоочу мас болуп кармалган;
32 айдоочу унаасынын айнегин мыйзамсыз караңгылаткан;
4 айдоочу жасалма номур менен жүргөн;
7 айдоочу ээнбаштыгы үчүн кармалган;
3442 айдоочу белгиленген ылдамдыктан ашыра айдап кармалган;
2080 айдоочу унаа пайдалануу эрежелерин бузган;
754 жөө адам жол эрежесин бузуп кармалган.
Булардан тышкары да 9472 майда эреже бузуулар катталган. Эреже бузган 1091 айдоочунун унаасы айып короого токтотулган.