Кыргызгидромет билдиргендей, 5-январда түнкүсүн Жалал-Абад облусунун тоо этектеринде жана тоолуу райондорунда, Баткен облусунун тоолуу райондорунда кар жаайт, калган аймактарда жаан-чачын күтүлбөйт.
Күндүз Жалал-Абад облусунун тоо этектеринде жана тоолуу райондорунда, Чүй, Баткен облустарынын тоолуу райондорунда кар жаайт, калган аймактарда жаан-чачын болбойт. Батыштан келген шамалдын ылдамдыгы секундасына 4-9 метрге чейин жетет.
Абанын температурасы:
Чүй өрөөнүндө түнкүсүн -4…+1, күндүз +6…+11,
Талас облусунда түнкүсүн -1…-6, күндүз +5…+10,
Баткен, Ош, Жалал-Абад аймактарында түнкүсүн -3…+2, күндүз +7…+12,
Ысык-Көл облусунда түнкүсүн -2…-7, күндүз +3…+8,
Нарын облусунда түнкүсүн -14…-19, күндүз -2…-7.
Бишкекте жаан-чачын күтүлбөйт. Абанын түнкү температурасы 0…-2, күндүз +8…+10 градус болушу күтүлөт.