Жакынкы үч саат аралыгында Бишкек шаарында жана Чүй облусунун аймактарында бороон жүрөт. Бул тууралуу Кыргызгидромет борбору билдирди.
Шамалдын ылдамдыгы секундасына 15-20 метрге жетери болжолдонуп жатканы айтылат маалыматта.
Өзгөчө кырдаалдар министрлиги бороон-чапкындан сактануу үчүн төмөнкү эрежелерди сактоого чакырды:
- эшикке чыкпай туруңуз;
- үйдүн эшик-терезелерин бекем жабыңыз;
- унааңызды имараттардын жана бак-дарактын алдына токтотпоңуз;
- электр линияларынын жанынан ыраак кетиңиз;
- колдон келсе, көчөдөн көз айнек тагынып алыңыз.
Өзгөчө кырдаалдар министрлиги кокус кырсык болуп кетсе, «112» номерине билдирип коюну өтүндү.