Бишкекте 29-декабрдан баштап №146 муниципалдык автобустун каттамы иштей баштады. Бул тууралуу мэриянын Транспорт жана жол-транспорттук инфратүзүмдү өнүктүрүү департаменти билдирди.
Каттамга 25 автобус чыгат, кыймылдын аралыгы 8-10 мүнөт болот.
№146 муниципалдык автобустук каттам Аламүдүн жана Орто-Сай базарларын камтыйт.
Каттамдын баштапкы аялдамасы «Бишкек автобекети» ишканасы (Алма-Ата – айланма жол көчөлөрүнүн кесилиши), акыркы аялдамасы – Чоң-Арык айылы.
