Саламаттыкты сактоо министри Алымкадыр Бейшеналиев Бишкек шаарындагы Мамлекеттик санитардык-эпидемиологиялык көзөмөлдөө борборунун кызматкерлери менен кеңешме өткөрдү.
Министрликтин маалыматына караганда, 2024-жылдын 15-январынан баштап медициналык ишмердүүлүк жүргүзүүгө лицензиясы жок жеке клиникаларды, борборлорду жана стоматологиялык кабинеттерди аныктоо боюнча рейддик текшерүүлөрдү кайра баштоо сунушталды.
Ал эми жеке менчик бала бакчалар жана мектептердин санитардык-эпидемиологиялык ченемдери жана эмдөө карталарынын болушу текшерилет.
Ошондой эле коомдук тамактануу жайларында санитардык китептердин бар-жогу жана санитардык нормалардын сакталышы боюнча текшерүүлөр пландалууда.