Бүгүн, 28-декабрда президент Садыр Жапаров ар кыл тармакта эмгектенген кыргызстандыктарга мамлекеттик сыйлыктарды тапшырат. Бул тууралуу мамлекет башчынын маалымат катчысы Аскат Алагөзов кабарлады.
Иш-чара УТРКнын, республикалык жана облустук телеканалдардын түз эфиринде, социалдык тармактардагы баракчаларында көрсөтүлөт. Түз алып баруу саат: 11:55те башталат.
Президенттин «Кыргыз Республикасынын мамлекеттик сыйлыктары менен сыйлоо жөнүндө» жарлыгы чыкканы 27-декабрда белгилүү болгон.
Жарлык «Эркин-Тоо» гезитинин 27-декабрдагы санына жарыяланган.