Чүй облусунун Сокулук районундагы «Эне-бала мээрими» фондунун негиздөөчүсү Иса Өмүракунов ааламдан өттү. Бул тууралуу анын жакындары билдирди.
Иса Өмүракунов 15 жылдан бери үй-жайсыз калган, куугунтукка кабылган же үйүнөн кетүүгө мажбур болгон балдарга өз үйүн баш калкалоочу жайга айлантып, иштетип келген. Иса Өмүракунов жубайы экөө «Эне-бала мээрими» фондун 2009-жылы негиздеген. Аталган фонд аркылуу 200дөн ашуун баланы тарбиялап өстүргөн.
Азыркы тапта да бул үйдө 20дан ашык бала жашайт.
Бул фонд ошол эле учурда 150дөн ашык кыз-келинге жардам берген.
Иса Өмүракунов мындай социалдык жоопкерчиликтүү ишти кантип аркалап калганы тууралуу «Марал» радиосуна 2021-жылы маек берген.