Бүгүн, 22-декабрда президент Садыр Жапаров «Кыргыз Республикасынын мамлекеттик символдору жөнүндө» мыйзамга кол койду.
Мыйзам Жогорку Кеңеш тарабынан 20-декабрда кабыл алынган.
Демилгечилер мыйзам туу өзгөрбөгөнүн, жөн гана жакшыртылганын жүйө келтиришет.
Кабыл алынган мыйзамга ылайык, мамлекеттик туудагы күн нурунун толкун сымал формасы түздөлүп, чамгаракка төрткө көбөйгөн.
Ошондой эле туунун сүрөтү түшүрүлгөн расмий документтердин бардык түрү жарактуулук мөөнөтү аяктаганга чейин, ал эми унаалардын номердик белгилери жана туунун сүрөтү түшүрүлгөн транспорт каражатын каттоо күбөлүгү тиешелүү ыйгарым укуктуу мамлекеттик органдар тарабынан аларды алмаштыруу жөнүндө чечим кабыл алганга чейин колдонулат.