Министрлер кабинетинин төрагасынын орун басары Эдил Байсалов балбан Жоламан Шаршенбековдун айланасындагы талкуу боюнча билдирүү жасады.
«Мен азыр Жоламан баатыр менен байланышып, сүйлөштүм. Ал Өзбекстанда машыгууда. Журналисттер сөздөрүн контексттен жулуп алып чыгарып, ал чоң саясат, сенсация болуп кеткенине өзү таң калып жатат. Мен Жоламанга капа болбо, көңүлгө алба деп айттым», — деп жазды.
Байсалов Жоламан Шаршенбековду президент Садыр Жапаров дагы, генерал Камчыбек Ташиев дагы колдой турганын айтып, «Балбаныбызга, мамлекет жетекчилиги анын пикирине эч кандай терикпегенин, көңүлгө албасын жеткиздим. Тек гана ийгилик тилешет!», — деп кошумчалаган.
Белгилей кетсек, бүгүн ЖМКлардын биринде балбан Жоламан Шаршенбековдун мамлекеттик тууну өзгөртүүгө каршы пикири жарыяланып, анда балбан учурдагы желекти мындан ары да эл аралык жарыштарда колдоно турганын айткан. Көп өтпөй, социалдык тармактагы посттордун бирине УКМК төрагасы Камчыбек Ташиев билдирүү калтырганы боюнча скринделген сүрөт тараган.
Processed with MOLDIV
Мындан сырткары президенттин иш башкармалыгынын жетекчиси Каныбек Туманбаев жана Президенттик админстрациянын маалыматтык саясат бөлүмүнүн башчысы Дайырбек Орунбеков да буга байланыштуу билдирүү жазган.
