Бишкек-Ош унаа жолундагы «Арал», «Сосновка» постторунда оор жүк ташуучу унаалардын бардык түрүнө киргизилген чектөөлөр алынды.
Бул тууралуу Өзгөчө кырдаалдар министрлигинен кабарлашты.
12-декабрда Бишкек – Ош унаа жолунда кар жаап, жол тайгак болгонуна байланыштуу Чүй облусунун Жайыл районундагы «Сосновка» жана Жалал-Абад облусунун Токтогул районундагы «Арал» постунда оор жүк ташуучу унаалардын бардык түрүнө чектөө киргизилген.
Транспорт министрлиги учурда тазалоо, инерттик материалдарды чачуу иштери жүрүп жатканын кабарлады.