Бишкек шаарынын Октябрь районундагы А.Токтоналиев көчөсүндөгү көп кабаттуу үйлөрдүн биринин подъездиндеги электр калканынан өрт чыкты. Өзгөчө кырдаалдар министрлиги билдиргендей, таңкы саат 6:14тө жана 6:35те өрттү өчүрүүгө эки күжүрмөн эсеп, буга кошумча саат 6:36да Ленин районунан дагы бир күжүрмөн эсеп жана штаб тартылды.
Өрт кырсыгы саат 7:32де чектелип, саат 8де толук өчүрүлгөн. Анын кесепетинен 2-кабаттан 12-кабатка чейинки подъездеги электр калкандары күйүп кеткен.
Куткаруучулар өрт болгон аймактан болжол менен 60 адамды эвакуациялашкан. Тилсиз жоодон жабыркагандар жок. Учурда чыгымдары такталууда.