Бишкек шаарынын мэриясы аба ырайынын катаал шартына байланыштуу жеке автоунаа ээлерин коомдук транспортту колдонууга чакырат. Бул жол тыгындарын жана кырсыктарды болтурбоого багытталган сунуш экени айтылат.
Борбордо коомдук транспорт таңкы саат 5:00дөн түнкү 23:30га чейин иштейт.
Бүгүн каттамга 114 троллейбус, 396 автобус, дагы бир муниципалдык ишканага караштуу 276 автобус, «Эко жүргүнчүлөрдү ташуу» ЖЧКсы тарабынан 110 жеке автобус жана «Аламүдүн Авто Транс» ишканасынын 5 автобусу чыкты.
Мындан тышкары, шаар боюнча 634 кичиавтобус иштейт. Зарыл болгон учурда линияга дагы кошумча автобустар жана троллейбустар чыгарылат.