Бишкек шаарынын мэриясы №102 жана №162 автобус каттамы ишке киргенин кабарлады.
Буга чейин бул каттамдарда кичи автобустар иштеп келген. Автобустарды «Бишкек жүргүнчүлөр автотранспорт ишканасы» муниципалдык ишканасы тейлейт.
№102 автобус Рухий- Мурас жаңы конушунан Ош базарына чейин каттайт. Узундугу 25,5 чакырым. Автобустардын аралыгы 10 мүнөт. Бул каттамга 12 автобус чыгат.
№162 автобус 12-кичи районунан Новопокровка айылына чейин каттайт. Узундугу 46 чакырым, автобустардын аралыгы 10 мүнөт. Бул линияга 18 автобус чыгат.