Нарын облусунун алыскы райондоруна интернет жеткирилет. Бул тууралуу Санариптик өнүктүрүү министрлиги 1-декабрда Кочкор районунун Арсы айылындагы мектепте «Digital CASA – Кыргызстан» долбоорунун жетишкендиктери тууралуу маалымат берип жатып билдирди.
Негизги басым мектеп, оорукана сыяктуу социалдык объектилерди интернет менен камсыз кылууга жасалат.
Кочкор районунда 168 чакырым 780 м аралыкка була- оптикалык кабель тартылып, натыйжада 39 социалдык объект, анын ичинде 14 мектеп интернетке туташтырылды.