Улуттук коопсуздук мамлекеттик комитеттин маалыматына караганда, 14-ноябрда Кыргызстандын мамлекеттик чек арасын мыйзамсыз кесип өткөн деген шек менен 1989-жылы туулган кыргызстандык жаран Ч.А.Т. кармалган.
Ал 2017-жылдан бери каракчылыкка катышкандыгы үчүн Ички иштер министрлиги тарабынан расмий издөөдө жүргөн.
Ушул жылдын жайында жеке адамдар менен сүйлөшүп алып, Кыргызстандын мамлекеттик чек арасын мыйзамсыз кесип өтүп, аткезчилик жол менен күйүүчү-майлоочу майларды сатуу менен алектенген.