Аба ырайы кескин өзгөрүп, ашууларда кар жаап жатканына байланыштуу Бишкек-Ош жолундагы «Сосновка» «Арал» өткөрмө бекеттеринде оор жүк ташуучу автоунаалардын өтүүсүнө убактылуу чектөө киргизилди.
Бул тууралуу Чүй облустук Жол кыймылынын коопсуздугун камыздоо башкармалыгынан кабарлашты.
Учурда Бишкек-Ош жолунда кар жаап жатат. Транспорт жана коммуникациялар министрлигинин жол тейлөө ишканалары тарабынан жолду тайгактан сактоочу инерттүү материалдар менен тазаланып жатат.
Инспекторлор айдоочуларга Бишкек — Ош унаа жолуна сапарга чыгарда унаанын дөңгөлөгүн кышкыга алмаштырууну, алдыдагы унаа менен болгон аралыкты сактоону жана карама каршы тилкеге чыкпоону эскертет.