Илияз Иманбетов Президенттин Ысык-Көл облусундагы ыйгарым укуктуу өкүлү кызматынан бошотулду. Тийиштүү жарлыкка өлкө башчы Садыр Жапаров кол койду.
Маалыматка караганда, ал башка кызматка өттү.
Иманбетов президенттин Ысык-Көлдөгү өкүлү болуп 2022-жылы сентябрда дайындалган. Ага чейин финансы министринин биринчи орун басары кызматын аркалаган.
Өлкө башчынын дагы бир жарлыгы менен Эмилбек Абдыкадыров Президенттин Ысык-Көл облусундагы ыйгарым укуктуу өкүлү болуп дайындалды. Ал буга чейин Бишкек шаарынын мэри болгон.