Төрага Акылбек Жапаров Германиянын Гамбург шаарына жумушчу сапар менен барганын Министрлер кабинетинин басма сөз кызматы кабарлады.
Сапардын алкагында Акылбек Жапаров кыргыз-немис ишкерлер кеңешинин экинчи отурумуна, «Кыргызстандын экономика күнү» бизнес-форумуна катышат. Андан тышкары Гамбург шаарынын биринчи бургомистри Петер Ченчер менен жолугушат.
Бизнес-форумга Кыргызстан менен Германиядан 200гө жакын ишкер, компаниянын өкүлү катышат. Анын жыйынтыгы менен бир катар келишимдерге кол коюлат.
Кыргыз-немис ишкерлер кеңеши 2022-жылдын март айында түзүлүп, алгачкы отуруму 13-июнда Бишкекте өткөн.
Ишкерлер кеңешине Кыргызстандан Акылбек Жапаров, Германиядан Кыргызстандын Гамбург шаарындагы ардактуу консулу Карл-Хуго Эрнст Элердинг төрагалык кылат.