1-ноябрда Түркмөнстандын Ашхабад шаарында «Борбор Азия-Корея» 16-кызматташтык форуму өтөт. Ага Кыргызстандын тышкы иштер министри Жээнбек Кулубаев катышат.
Форумдун күн тартибинде логистика, саламаттыкты сактоо, экология, санариптештирүү, туризм жана билим берүү боюнча панелдик сессиялар өтөт.
Кыргызстандын тиешелүү мамлекеттик органдары тарабынан форумдун жыйынына даярдык көрүү боюнча тийиштүү иштер жүргүзүлүп, гибрид форматында баяндамалар жана презентациялар пландаштырылган. Форумдун алкагында эки тараптуу жолугушуулар да өтөт.