Бишкек шаарынын жана Сокулук районунун мектепке чейинки, мектептик, башталгыч кесиптик, орто кесиптик жана жогорку кесиптик билим берүү уюмдары менчигинин түрүнө жана ведомстволук таандыгына карабастан 2023-жылдын 25-26-октябрында онлайн окутууга өтөт.
Бул тууралуу Билим берүү жана илим министрлигинин басма сөз кызматы билдирди.
Эске салсак, 25-26-октябрда Бишкекте Шанхай Кызматташтык Уюмуна мүчө мамлекеттердин өкмөт башчыларынын жыйыны, 26-27-октябрда КМШ өкмөт башчыларынын жана Евразия өкмөттөр аралык кеңешинин жыйындары өтөт.