«2024-жылы КМШга Орусия төрагалык кылат», — деди Президент Владимир Путин КМШ мамлекет башчыларынын кеңешинин жыйынында.
Орусия кийинки жылы БРИКСке да төрагалык кылат. «Бул нерсе баарыңыздар менен, анын ичинде БРИКС менен мамиле түзүүгө мүмкүнчүлүк берет», — деди Путин.
БРИКС — Бразилия, Орусия, Индия, Кытай, Түштүк Африка мамлекеттеринин экономикалык уюму.
Путин КМШнын терроризмге каршы биргелешкен аракеттерин активдештирүү максатка ылайыктуу экенин кошумчалады.
«Буга байланыштуу Ооганстандын аймагынан чыккан бул коркунучтарга байланыштуу Тажикстанды колдоону сунуштайм. Кырдаал татаал, татаал бойдон калууда», — деди Путин.