«Эмарк групп» курулуш компаниясынын жетекчиси Чолпонбек Акматов камакка алынды. Бул тууралуу «Маралга» соттун басма сөз кызматы тастыктады.
Ал Бишкек шаарынын Октябрь райондук сотунун 12-октябрындагы токтому менен 4-ноябрга чейин тергөө абагына киргизилди.
Акматов Кылмыш-жаза кодексинин 222-беренесинин 3-бөлүгүнүн 2-пункту (кылмыштуу кирешелерди адалдоо) менен айыпталып жатат.
Бир күн мурун «Авангард стиль» курулуш компаниясынын жетекчиси Эрнис Минкеев камакка алынганы белгилүү болгон.
Маалыматка караганда, курулуш компаниянын жетекчисин 9-октябрда УКМКнын Чүй облустук башкармалыгынын кызматкерлери кармаган. Миңкеев 4-ноябрга чейин №1 тергөө абагына киргизилген.