12-13-октябрда Бишкектин мектептери жана бала бакчалары жабык болот. Бул тууралуу мэриянын билим берүү департаменти кабарлады.
Маалыматка караганда, мектептер онлайн режимде ишин уланта берет, ал эми бала бакчалар ишин убактылуу токтотуп турат.
Айта кетсек, 12-октябрда Орусиянын президенти Владимир Путин Кыргызстанга расмий сапар менен келет. Ал эми 13-октябрда Бишкекте КМШга мүчө мамлекеттердин президенттеринин саммити өтөт.
Айтылган иш-чараларга байланыштуу Бишкектин айрым көчөлөрүнө: «Манас» аэропортунан Фучик көчөсүнө чейин, Чүй проспектисинде, Манас жана Айтматов проспектисинен мамлекеттик резиденцияга чейин, Садырбаев көчөсүнөн «Ата-Бейит» мемориалдык комплексине чейин, Бишкек-Кант айланма жолуна маал-маалы менен чектөөлөр киргизилип турат.