Кыргызстандык спортчу Сардана Трофимова Кытайда өтүп жаткан Азия оюндарында коло медаль алды.
Ал кыз-келиндер арасындагы марафондук чуркоо боюнча жарышка катышып, 17 спортчунун арасынан үчүнчү келди.
Сардана Трофимова марага 2 саат 28 мүнөт 41 секундда жеткен. Анын жеңиши Кыргызстандын куржунуна алтынчы медалды алып келди. Учурда Кыргызстандын эсебинде 3 алтын, 3 коло медаль бар.