Адам өлтүрүүгө шектелип, издөөдө жүргөн Казакстандын жараны 26-сентябрда Бишкектен кармалганын Улуттук коопсуздук мамлекеттик комитетинин басма сөз кызматы бүгүн билдирди.
Алматы шаарынын 1995-жылы туулган тургуну А.Г.М. расмий өтмөктөрдөн айланып, кыргыз-казак чек арасын мыйзамсыз кесип өтүп, Бишкек шаарына келген. Ал андан ары «Манас» аэропорту аркылуу башка мамлекеттерге чыгып кетүүнү көздөгөн.
Кармалган адам Кылмыш-жаза кодексинин 378-беренеси (мамлекеттик чек араны мыйзамсыз кесип өтүү) менен №1 тергөө абагына эки айга камакка алынган.
Алынган маалыматка караганда, Казакстандын укук коргоо органдары А.Г.М.га «адам өлтүрүүгө катышкан» деген шек менен издөө жарыялаган.