Кыргызстандын футбол боюнча улуттук курама командасы октябрь айында дагы бир жолдоштук беттеш өткөрөт. Бул тууралуу өлкөнүн футбол бирикмесинен кабарлашты.
Маалыматка караганда, 15-октябрда Штефан Таркович баштаган улуттук курама Филиппин өлкөсүнүн курамасы менен беттешет.
Оюн Бахрейнде болот жана 12-октябрда Кыргызстандын командасы Бахрейн курамасы менен да беттешет.
ФИФАнын расмий сайтында Улуттук курамалардын жаңыланган рейтингине ылайык, Кыргызстандын улуттук курамасы 96-орунда. Азия футбол конфедерациясында улуттук курама 16-орунда.