Бишкек шаарынын Свердлов районундагы Чүй көчөсүндө жайгашкан көп кабаттуу турак үйдөн 29-сентябрда өрт чыгып, 3 жашар бала каза болду. Бул тууралуу Өзгөчө кырдаалдар министрлигинен билдиришти.
Маалыматка караганда, өрттү өчүрүүгө саат 17:35те Свердлов райондук өзгөчө крдаалдар бөлүмүнөн 2 бөлүм жана штаб тартылган.
Өрт саат 17:51де чектөөгө алынып, саат 18:46да толук өчүрүлгөн.
Батирдин балкону толук өрттөнүп, тилеке каршы тилсиз жоонун кесепетинен 2020-жылы туулган А.М. аттуу жаш бала каза болгон.