Бүгүн, 29-сентябрда Жалал-Абад шаарына Бүткүл дүйнөлүк Ислам лигасынын 30дан ашык дарыгери келди. Бул тууралуу Президенттин облустагы өкүлчүлүгүнөн билдиришти.
Алар бир жума бою шаардагы Түштүк аймактык жүрөк-кан тамыр хирургия илимий борборунда жүрөк оорусуна чалдыккан 15 жаштан өйдөкү 130га жакын жаранга акысыз операция жасайт.
Жумалык операция эң алгач жашоо-шарты начар жана майып тургундарга жасалат. Өнөктүк 30-сентябрь — бүткүл дүйнөлүк Жүрөк күнүнө карата уюштурулган.