Бүгүн, 20-сентябрдагы нөшөрдөн улам, Ысык-Көл районунда саат 12:00 чамасында кокту-колоттордон келген сел суулары Чолпон-Ата шаарындагы жана Бостери айыл аймагынын Бактуу-Долоноту айылындагы турак үйлөрдүн короолорун жана ички чарбалык жолдорун каптап кеткен.
Жерине Жарандык коргонуу комиссиясы, Өзгөчө кырдаалдар министрлигинен 1 экскаватор, Ысык-Көл райондук өзгөчө кырдаалдар бөлүмүнөн ыкчам топ, мэриядан 4 экскаватор, 1 ассенизатор тартылып, сел каптаган жерлерди тазалоо башталды.
Кыргызгидромет кызматы билдиргендей, 20-сентябрдан 22-сентябрга чейин өлкөнүн аймагында аба ырайы кескин өзгөрүп, көпчүлүк аймактарда жаан, тоолуу райондордо кар жаайт.