Кыргызстандын футбол боюнча улуттук курамасынын оюнчусу Бекназ Алмазбеков Түркиянын «Галатасарай» клубунун негизги курамына кабыл алынды. Бул маалымат аталган клубдун Инстаграм баракчасында жарыяланды.
«Галатасарай» футбол клубунун расмий билдирүүсүндө: «Академиябыздын футболчусу Бекназ Алмазбеков менен 2025-2026-жылдын сезонунун аягына чейин жарактуу болгон профессионалдуу келишимге кол коюлду», — деп айтылды.
Бекназ Алмазбеков 18 жашта, ушул жылдын февраль айынан баштап «Галатасарай» клубунун негизги курамында машыга баштаган. Клубдун жаштар командасында 2019-жылдан бери ойноп келет. «Галатасарайдын» футбол академиясын аяктаган.
«Галатасарай» футболдук клубунун түптөлгөнүнө 100 жылдан ашты. Ал — Түркия Суперлигасындагы алдыңкы клубдардын бири.