Мамлекеттик салык кызматы 2023-жылдын январь-август айларында 158 млрд 25,9 млн сом салык жана камсыздандыруу төгүмдөрүн чогултту. Белгиленген план 2,1 млрд сомго ашыгы менен аткарылганын мекеменин басма сөз кызматы кабарлады.
2022-жылдын ушул мезгилине салыштырмалуу 26,1 млрд сомго көп жыйналган.
Чогулган сумманын 116 млрд 551,7 млн сомун салык жана төлөмдөр, ал эми 41 млрд 474,2 млн сомун камсыздандыруу төгүмдөрү түзөт.