УКМКнын Чоң-Алай райондук бөлүмүнүн жаңы имараты ачылып, пайдаланууга берилди. Бул тууралуу аталган мекеменин маалымат кызматы билдирди.
Иш-чарага УКМК төрагасы Камчыбек Ташиев, жергиликтүү бийлик өкүлдөрү, атайын кызматтын жергиликтүү башкармалыктарынын өздүк курамы катышты.
Камчыбек Ташиев Ош, Жалал-Абад жана Талас облустарында атайын кызматтын бардык имараттары толугу менен жаңыланып бүткөнүн билдирип, жакында Ысык-Көл, Нарын, Баткен жана Чүй облустарындагы курулуш иштери аягына чыгарын кошумчалады.
Жаңы имаратта заманбап шарттар толугу менен камсыздалган, имаратты курууда мамлекеттик бюджеттен каржы коротулган эмес.