Бишкектеги «Дордой» базарындагы бомба тууралуу маалымат тастыкталган жок. Бул тууралуу Свердлов райондук ички иштер башкармалыгынын басма сөз кызматы кабарлады.
Бүгүн, 29-июль күнү эртең менен «Дордой» жана «Алкан» базарынын аймагына бомба коюлганы тууралуу маалымат тараган.
Окуя болгон жерге райондук милициянын тергөө-ыкчам тобу барган. Базардын аймагын курчоого алып, базардын кызматкерлери менен кардарлар эвакуацияланып, издөө иштери жүргөн.
Буга чейин да 21-июль күнү «Дордойдо» бомба бар экени тууралуу жалган маалымат айтылган.